A valía científica da enquisa ás familias

Ler en Xornal de Galicia 21-07-2009

Nun artigo anterior considerabamos esta enquisa como un artificio político dirixido a gañar tempo e servir de pantalla lexitimadora de futuras decisións políticas. Esta é a razón que fai máis necesario reflexionar sobre a súa valía científica, mesmo antes de que se publique o informe correspondente. Para iso fixarémonos, sobre todo, en se pode proporcionar o coñecemento que se precisa, atendendo á importancia do que se investiga e ao rigor co que se realizou. Evitaremos facelo en termos de si ou non, procurando no seu lugar artellar xuízos algo argumentados.