Tres forzas, tres visións e unha lingua

Ler en Xornal de Galicia 24-07-2009

As tres grandes formacións de Galicia aman o galego. Polo menos iso é o que afirman. Non obstante, dende a chegada do PP á Xunta de Galicia, a polémica polas políticas lingüísticas que se están a desenvolver medra día a día. Os portavoces en materia de idioma dos tres grupos parlamentarios, Agustín Bahamonde, Francisco Cerviño e Bieito Lobeira, só coinciden nunha cousa, en que “a lingua debe saír do debate político”. Non obstante, hai diferenza de criterios en torno a quen é o responsable de que o chamado “conflito lingüístico” se fixese un oco destacado na vida política.